Міндетті әлеуметтік медициналық сақтандыру жүйесі қандай?

   Міндетті әлеуметтік медициналық сақтандыру жүйесі (МӘМС) денсаулық сақтау саласындағы мемлекеттік әлеуметтік қорғау жүйесі болып табылады.

   МӘМС жынысына, жасына, әлеуметтік жағдайына, тұрғылықты жеріне немесе табысына қарамастан Қазақстанның барлық сақтандырылған азаматтарына медициналық және фармацевтикалық көмекке тең қолжетімділікке кепілдік береді.

   МӘМС – ауруға, жарақаттануға, жүктілік пен босануға, мүгедектікке және қарттыққа байланысты халықтың денсаулығын әлеуметтік қорғау нысаны.

  Көптеген дамыған елдер МӘМС таңдады, бұл қаражатты аз мұқтаждардан мұқтаж адамдарға қайта бөлуге мүмкіндік береді.

  Қазір Қазақстанда 3,6 миллионға жуық адам МӘМС жүйесіне қатыспайды. Олардың шамамен 1 миллионы – әлеуметтік жағдайы дағдарыстық (D) және шұғыл (E) деңгейдегі тұрғындар. Яғни олардың МӘМС жарналарын төлеуге мүмкіндігі жоқ.

  2026 жылдың 1 қаңтарынан бастап бұл азаматтар үшін МӘМС жарналарын жергілікті атқарушы органдар төлейді. Осылайша оларға сақтандырылған мәртебесі беріліп, МӘМС аясында қажетті медициналық көмек ала алады.

  Бұдан бөлек, жергілікті бюджет есебінен ресми тіркелген жұмыссыздар үшін жарна төленетін болады. Бұған дейін бұл төлемдер республикалық бюджеттен түсіп келді.

  ❗ Сақтандырылған азаматтар үшін диагностика, дәрігерлердің кеңесі, жоспарлы операциялар, емдеу және оңалту қызметтері МӘМС аясында тегін көрсетілетінін есте сақтаңыздар. Медициналық көмек алу үшін тұрғылықты жеріңіз бойынша емханаға тіркелу қажет.

 МӘМС-ке төлеу

Инфографика - Бизнес

Инфографика - балалар және мәртебе

D, E Санаттары

Қант диабеті

Созылмалы

МӘМС - сенің сенімді қорғаның

 МӘМС-ке төлеу

Қазіргі уақытта сыбайлас жемқорлыққа қарсы іс-қимыл агенттігінің Астана қаласы бойынша департаменті «Smart Astana» мобильдік қосымшасын қолдануды жүзеге асыруда.

Бұл әмбебап құрал енді елорда азаматтарына кез келген сыбайлас жемқорлық фактілері туралы тез және жасырын түрде хабарлауға мүмкіндік беретін «Stop сыбайлас жемқорлық» функциясын қамтиды. Осылайша, өз құқықтарын қорғау және әділ қоғам құру принциптеріне ықпал етеді. 

Тегін не алуға болады-МӘМС

МӘМС жүйесінде сақтандырылған адамдар міндетті әлеуметтік медициналық сақтандыру ұсынатын медициналық көмектің кеңейтілген спектріне ие болады.

МӘМС келесі медициналық қызметтерді қамтиды:

• профилактикалық медициналық тексерулер;
• учаскелік дәрігердің нұсқауы бойынша арнайы маманданған дәрігердің қабылдауы және кеңес беруі;
• созылмалы дертке шалдыққан жандардың бейінді мамандардың бақылауында болуы;
• уәкілетті орган бекіткен тізбе бойынша халықтың жекелеген санаттарына шұғыл және жоспарлы нысанда стоматологиялық көмек көрсету;
• халықтың белгілі бір категориясына шұғыл және жоспарлы түрде стоматологиялық көмек көрсету;
• диагностикалық қызметтер, оның ішінде лабораториялық диагностика (УЗИ, рентген, КТ, МРТ);
• мамандандырылған, оның ішінде жоғары технологиялы, стационарлық медициналық көмек;
• медициналық оңалту;
• стационарда мамандандырылған медициналық көмек көрсету кезінде дәрі-дәрмекпен қамтамасыз ету.

ТМККК және МӘМС-ға дәрілік көмек

Денсаулық сақтау саласындағы нормативтік құқықтық актілер ел халқы белгілі бір аурулар болған кезде ТМККК және МӘМС қаражаты есебінен амбулаториялық деңгейде дәрілік заттар мен медициналық бұйымдарға сене алатынын регламенттейді. ҚР ДСМ 2021 жылғы 5 тамыздағы №75 бұйрығымен бекітілген жай-күй атаулары мен дәрілік заттардың тізбесімен мыне жерден танысуға болады

Әлеуметтік медициналық сақтандыру жүйесіне көшу ересектер мен 18 жасқа дейінгі балаларға арналған тегін дәрілік заттардың тізімін едәуір кеңейтуге мүмкіндік берді. Атап айтқанда, амбулаториялық тізбеге қосымша келесі ауруардың (жай-күй) атаулары енгізілді:

• жұқпалы және паразиттік аурулар (Лайма ауруы, желшешек, микоз, токсоплазмоз және т.б);
• ас қорыту ауруалары (Целиакия, тас ауруы, холецистит/холангит және т.б.);
• эндокриндік бұзылулар (аминқышқылдарының тасымалдануының бұзылуы);
• жүйке жүйесінің аурулары (Альцгеймер ауруы, бассүйек нервілерінің зақымдануы, Дюшен бұлшықет атрофиясы және т.б.);
• көру органдарының қабыну және қабыну емес аурулары (жедел/созылмалы блефарит, конъюктивит, галукома және т.б);
• қан айналымы жүйесінің аурулары (біріншілік өкпе гиперплазиясы, инфекциялық эндокардит және т.б)
•  таныс алу органдарының аурулары (жоғарғы және төменгі тыныс жолдарының жедел респираторлық инфекциялары, синусит, бадамша бездер және аденоидтардың аурулары, вазоматорлы және аллергиялық ринит).

Бүгінгі күні амбулаториялық деңгейде ТМККК шеңберінде дәрілік заттар мен медициналық бұйымдардың 347 атауы бойынша 49 аурулар (жай-күйлер), МӘМС жүйесінде дәрілік заттар мен медициналық бұйымдардың 265 атауы бойынша 79 аурулар (жай-күйлер) қамтамасыз етіледі.

Дәрі-дәрмектерді алу үшін пациент өзінің учаскелік дәрігеріне (медбикеге) баруы керек. Учаскелік дәрігер/медбике науқастың жағдайын бағалайды және қажет болған жағдайда дәрі-дәрмектерді алуға рецепт жазады. Рецептпен сіз жеке басын куәландыратын құжатпен емхананың дәріханасына баруыңыз керек.

2022 жылы амбулаториялық дәрі-дәрмекпен қамтамасыз етуге 140,3 млрд теңге, оның ішінде МӘМС жүйесінде 45 млрд теңге қарастырылған.

Естеріңізге сала кетейік, жедел, стационарлық және стационарды алмастыратын көмек көрсету кезінде барлық дәрілік заттар тегін беріледі. 

 Медициналық сақтандыру қорының ресми сайты fms.kz 

Жедел телефон желісі 1414