СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
«Қызғылт қазан»: Ерте анықтау – денсаулық кепілі
- Қаралды: 123
«Қызғылт қазан»: Ерте анықтау – денсаулық кепілі
«Қызғылт қазан» айлығы аясында, яғни сүт безі обырының алдын алу және ерте анықтау мақсатында, Астана қаласындағы №3 қалалық емханада «Ерте анықтау – денсаулық кепілі» тақырыбында семинар өткізілді.
Семинарды емхананың гинеколог-дәрігері жүргізіп, әйелдер денсаулығын қорғауда ерте тексерудің және тұрақты бақылаудың маңыздылығына тоқталды.
Сүт безі обыры – әйелдер арасында ең жиі кездесетін онкологиялық аурулардың бірі. Бірақ дер кезінде тексеруден өту және алдын алу шараларын сақтау арқылы бұл дерттің алдын алуға немесе ерте кезеңде емдеуге болады.Кездесу барысында дәрігер келесі тақырыптарды қамтыды:
— сүт безін өздігінен тексеру әдістері;
— жыл сайын маммография мен УДЗ тексерулерінен өту қажеттілігі;
— дұрыс тамақтану мен өмір салтының рөлі;
— алғашқы белгілер мен дәрігерге уақтылы жүгінудің маңызы.
Қатысушылар семинар барысында белсенділік танытып, өз сұрақтарын қойып, осындай шаралардың пайдалы екенін атап өтті.№3 Қалалық емхана әйелдердің денсаулығын қорғау бағытында түсіндіру жұмыстарын жалғастыруда және әрбір әйелге өз денсаулығына жауапкершілікпен қарауға шақырады.
