Міндетті әлеуметтік медициналық сақтандыру (МӘМС) жүйесі бойынша ақпараттық-түсіндіру жұмыстары аясында №3 қалалық емхананың салауатты өмір салтын қалыптастыру дәрігері Еуразия гуманитарлық институтының жоғары колледжі студенттерімен «Студенттер МӘМС жүйесінде» тақырыбында семинар өткізді.

Іс-шараның мақсаты — жастардың медициналық сақтандыру жүйесінің артықшылықтары мен мүмкіндіктері туралы білімін арттыру, сонымен қатар өз денсаулығына жауапкершілікпен қарауға шақыру.

Семинар барысында маман келесідей сұрақтарға тоқталды:

— кімдер сақтандырылған тұлға болып есептеледі және мемлекет есебінен кімдерге төлем жүргізіледі;

— студенттерге арналған қызмет түрлері мен олардың алу тәртібі;

— тегін медициналық көмек пен МӘМС жүйесінің айырмашылығы;

— eGov және мобильді қосымшалар арқылы сақтандыру мәртебесін тексеру жолдары.

Студенттер белсенді қатысып, өздерін толғандырған сұрақтарды қойды: емханаға қалай тіркелуге болады, қандай тексерулер мен профилактикалық шаралар тегін жүргізіледі, МӘМС төлемдері қалай есептеледі.

Осындай кездесулер жастардың денсаулыққа деген жауапкершілігін арттырып, заманауи медициналық жүйенің жұмысын жақсырақ түсінуге мүмкіндік береді.