Жастардың психоэмоционалдық әл-ауқатын нығайту бағдарламасы аясында, «Жас Толқын» Жастар ресурстық орталығының (ЖРО) психологы Ильяшова Д.Ж. «А.Қонаев атындағы колледж» студенттеріне мазмұнды тренинг өткізді.

Тренингтің тақырыбы – «Менің өмірімнің кезеңі!» – студенттік өмірге тән дағдарыс кезеңдерін тиімді өткеруге, өзін-өзі тануға және жеке ресурстарды саналы түрде бағалауға арналды.

Мұндай іс-шаралардың маңызы өте зор, себебі олар жастардың психологиялық тұрақтылығы мен бейімделу дағдыларын қалыптастыруға бағытталған. Студенттік жылдар – бұл өзін белсенді іздеу және өмірлік бағыт-бағдарын құру кезеңі, ал маман психологтың қолдауы жастарға өз мақсаттары мен эмоцияларын саналы түрде басқаруға көмектеседі.

№3 қалалық емхана жастардың менталды денсаулығына бағытталған бастамаларды қолдайды және әл-ауқатқа кешенді көзқараспен қараудың маңыздылығын еске салады.