Қозғалыс шабыты: Инклюзивті топ студенттеріне арналған спорт жұлдызымен жаттығу!

​Жан-жақты қолдау мен инклюзияға бағытталған жалпықалалық Игі істер марафоны аясында №3 қалалық емхана спортты, денсаулықты және шабытты біріктірген шынымен де бірегей іс-шара ұйымдастырды.

​Профилактика және әлеуметтік-психологиялық көмек көрсету бөлімінің мамандары «Жас Толқын» Жастар денсаулық орталығымен (ЖДО) бірлесіп, Сервис және туризм колледжінің студенттеріне арнап тамаша іс-шара – «Инклюзивті топ студенттерімен ҚР танымал спортшысы Венера Жақсыбаевамен бірге физикалық жаттығу» өткізді.

​Кездесудің құрметті қонағы және тәлімгері Жақсыбаева Венера Болатбекқызы болды – ол қазақстандық спорттың аңызы:

–​Қазақстан Республикасының Спорт шебері

–​Шотокан каратэ бойынша Азия және Әлем чемпионы

–​Қазақстанның бірнеше дүркін чемпионы, –Ұлттық құрама мүшесі

–​Қара белбеу иегері

–​Көптеген халықаралық жарыстардың жеңімпазы және жүлдегері

​Жаттығу барысында Венера Жақсыбаева ерекше шеберлікпен физикалық қабілеттерді дамытуға және денені жан-жақты нығайтуға бағытталған түрлі спорттық қимылдарды көрсетіп, түсіндірді. Балалар көрнекті спортшының үлгісінен, оның рухының күші мен мақсаттылығынан шынайы шабыт алды.

​Іс-шара спортшымен бірге бірлескен фотосессиямен аяқталып, әр қатысушыға ұмытылмас әсер мен ынталандыру берді. Бұл оқиға спорттың шекара білмейтінін және денсаулық пен өзін-өзі жетілдіруге ұмтылғандардың барлығын біріктіретінін айқын дәлелдеді.

​№3 қалалық емхана Венера Жақсыбаеваға салауатты өмір салтын және инклюзивті спортты насихаттауға қосқан үлесі үшін терең ризашылығын білдіреді!