СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Соңғы күндері әлеуметтік желілерде Денсаулық сақтау министрлігінің міндетті әлеуметтік медициналық сақтандыру туралы жаңа заңның шеңберінде ТМККК пакетін қайта қарау жөніндегі шешімі кеңінен талқыланып, қоғамдық резонанс тудырды.
- Қаралды: 28
Соңғы күндері әлеуметтік желілерде Денсаулық сақтау министрлігінің міндетті әлеуметтік медициналық сақтандыру туралы жаңа заңның шеңберінде ТМККК пакетін қайта қарау жөніндегі шешімі кеңінен талқыланып, қоғамдық резонанс тудырды.
Кейбір азаматтар бұл шешім БЦА ауруы, қант диабеті және өзге де созылмалы аурулары бар пациенттер үшін медициналық көмектің қолжетімділігіне әсер етуі мүмкін деген алаңдаушылық білдірді.
Осы мәселеге қатысты маған ата-аналардың атынан «Бақытты Шаңырақ» ҮЕҰ-ның төрайымы Ботагөз Сұлтанова да жүгінді.
Құрметті аналар, сіздердің уайымдарыңызды түсінемін.
Сіздерді барлық мемлекеттік кепілдіктер толық көлемде сақталатынына сендіргім келеді.
Балалар, жүкті әйелдер, зейнеткерлер, студенттер, мүмкіндігі шектеулі жандар және жұмыссыздар — барлығы 11 миллионнан астам қазақстандық — бұрынғыдай мемлекеттің есебінен тегін медициналық көмек алады.
Соның ішінде — балалардың церебралды сал ауруымен (БЦА) ауыратын пациенттер де толық көлемде еммен, дәрі-дәрмекпен және оңалтумен қамтамасыз етіледі.
Әлеуметтік мәні бар аурулардың тізбесін жаңарту — көмекті қысқарту емес, керісінше, кепілдіктерді күшейту мен жүйенің қаржылық тұрақтылығын арттыруға бағытталған қадам.
2026 жылғы 1 қаңтардан бастап әлеуметтік мәні бар аурулардың тізбесіне 11 ауру енгізіледі. Олардың ішінде алғаш рет — эпилепсия және инсульт салдары бар. Бұл ауруларды ертерек әрі тиімді емдеуге және оңалтуға мүмкіндік береді.БЦА, ревматизм және қант диабеті сияқты бірқатар созылмалы ауруларды МӘМС жүйесіне ауыстыру — бұл көмектің көлемі мен қолжетімділігіне әсер етпейтін тек әкімшілік өзгеріс.
Өзгеретін тек қаржыландыру көзі — ал кепілдіктер сол күйі қалады.
Диагностика, емдеу, дәрілік қамтамасыз ету, бақылау және оңалту сияқты көмек толық көлемде сақталады. Мемлекет әлеуметтік осал топтар үшін сақтандыру жарналарын төлеуді жалғастырады. Ешбір бала, ешбір ана, ешбір пациент қамқорлықсыз және қолдаусыз қ