СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Отбасы құндылығы — чемпиондар жеңісінің негізі: Омаровтар әулетімен кездесу
- Қаралды: 17
Нағыз мықты тұлғаның қалыптасуы — тек жаттығу залында емес, алдымен отбасының жылуы мен қолдауында. №3 Қалалық емхананың Алдын алу және әлеуметтік-психологиялық көмек бөлімі мен «Жас Толқын» ЖДО мамандары Көлік және коммуникациялар жоғары колледжінің (ВКТиК) студенттеріне арнап ерекше сый жасады.
«Отбасы қуаты — чемпионның тірегі» атты мотивациялық кездесу елімізге танымал спортшылар — Омаровтар әулетімен өтті.
Ернар Омаров: Кикбоксинг пен ушу-саньдадан ҚР спорт шебері, Әлем кубогының иегері, Астана қаласының аға жаттықтырушысы. Ол Әлем және Азия чемпиондарын тәрбиелеген хас маман.
Александра Омарова: «Тамерлан» жекпе-жек клубы желісінің негізін қалаушы, кикбоксингтен спорт шебері, танымал фитнес-блогер және үш баланың анасы.
Тамерлан Омаров: Кикбоксингтен спорт шеберіне үміткер, халықаралық турнирлердің жүлдегері.
Дана Омарова: Көркем гимнастикадан спорт шебері, 2025 жылғы халықаралық турнирдің абсолютті чемпионы.
Және әулеттің ең кішкентай, бірақ ең маңызды мүшесі — Ибрагим Омаров.
Студенттер чемпиондардың күнделікті кестесі, дұрыс тамақтануы, жеңіс пен жеңіліс кезіндегі сезімдері туралы ашық сұрақтар қойды. Спортшылар тек кәсіби жетістіктерімен ғана емес, отбасылық дәстүрлерімен де бөлісті. Әрбір жеңістің артында табандылық пен жақындарының шексіз сенімі тұрғанын жеткізді.
Шара соңында ВКТиК студенттері қонақтарға арнап музыкалық нөмірлер ұсынды. Кездесуден алған әсер жастардың көзіндегі отты жағып, оларды биік белестерге жігерлендірді.
