СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Домбыра үні — ұрпақтар үндестігі: «Қарттарға қамқорлық» жобасының жарқын сәті
- Қаралды: 6
Ұлттық аспаптың күмбірлеген үні тек күй ғана емес, ол — ұрпақтар арасындағы алтын көпір. №3 Қалалық емхананың Алдын алу және әлеуметтік-психологиялық көмек бөлімі мен «Жас Толқын» ЖДО мамандары Байқоңыр ауданының «Белсенді ұзақ өмір сүру» орталығында ерекше қайырымдылық акциясын ұйымдастырды.
«Қарттарға қамқорлық» жобасы аясында өткен бұл кездесу аға буынның бос уақытын мазмұнды өткізуге және жастардың бойында патриоттық сезімді оятуға бағытталды.
Тәлім мен тәрбие: Сервис және туризм колледжінің ерікті студенттері киелі домбыраның қыр-сырын үйретіп, қарияларымызбен бірге күй күмбірлетті.
Рухани алмасу: Орталықтың белсенді мүшелері жастардың өнеріне тәнті болып, өздерінің өмірлік тәжірибелерімен бөлісті. Бұл — тек үйрену ғана емес, екі ұрпақтың бір-біріне деген құрметінің көрінісі болды.
Жылы атмосфера: Кездесу өте көңілді, достық әрі шынайы жағдайда өтті. Аға буын өкілдері жастарға ақ батасын беріп, осындай мазмұнды жобалардың алдағы уақытта да жалғасын табуына ниет білдірді.
