СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Саналылық — саулық негізі: Бойжеткендерге арналған ашық диалог
- Қаралды: 16
Әрбір жасөспірім қыздың денсаулығы — болашақ ұлттың әлеуеті. Өз ағзасындағы өзгерістерді түсіну, жауапкершілікті сезіну және қауіп-қатердің алдын алу — заманауи бойжеткеннің басты қасиеті болуы тиіс.
№3 Қалалық емхана жанындағы «Жас Толқын» ЖДО мамандары №39 кешкі (ауысымды) мектептің оқушы қыздарымен маңызды кездесу өткізді. Орталықтың білікті акушер-гинекологы екі өзекті тақырыпты қозғады.
Ерте жүктіліктің алдын алу: Дәрігер ерте жастағы жүктіліктің медициналық салдарлары, ағзаға түсетін ауырпалық және психологиялық дайындықтың маңыздылығы туралы ашық айтты. Саналы таңдау мен өмірлік мақсаттарды айқындау — басты назарда болды.
АИТВ-инфекциясының алдын алу: Жұқпалы дерттің таралу жолдары, сақтану шаралары және денсаулыққа деген қырағылық мәселелері талқыланды. Студенттер эпидемиологиялық қауіпсіздік туралы шынайы ақпаратпен қаруланды.
«Біздің мақсатымыз — қорқыту емес, ағарту. Қыз бала өз құқығы мен денсаулығын қорғай алатын деңгейде білімді болса, ол өз болашағына нық сеніммен қарайды».
