СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Жетістік пен күмән: «Жалған маман» синдромын қалай жеңуге болады?
- Қаралды: 6
Кейде біз биік белестерді бағындырсақ та, іштей «бұл менің еңбегім емес, жай ғана сәттілік» деген күмәнге бой алдырамыз. Өз білімі мен біліктілігіне шүбә келтіру — заманауи интеллектуалды ортада жиі кездесетін «жалған маман» (imposter syndrome) синдромының белгісі.
«Тұран» университетінде студенттердің ішкі сенімділігін нығайту мақсатында осы өзекті тақырыпқа арналған семинар-тренинг өтті. Шараны №3 Қалалық емхананың білікті психологы А.Ш. Бузурбаева жүргізді.
Күмәннің табиғаты: Психолог жетістікті меншіктей алмау сезімі қайдан пайда болатынын және оның тұлғалық өсуге қалай кедергі келтіретінін егжей-тегжейлі түсіндірді.
Құзыреттілік иллюзиясы: Студенттер өз жетістіктерін құнсыздандыруды доғарып, атқарған еңбегіне объективті баға беру әдістерін меңгерді.
Практикалық құралдар: Тренинг барысында ішкі сыншымен жұмыс істеу, өз потенциалыңды тану және кәсіби ортада өзіңді еркін сезінуге көмектесетін психологиялық техникалар ұсынылды.
«Егер сіз өз жетістіктеріңізге күмәндансаңыз, демек, сіз өз ісіңізге бей-жай қарамайтын кәсіби мамансыз. "Жалған маман" синдромы — тек ізденістегі адамдарға тән қасиет. Ең бастысы — сол күмәнді дамудың қозғалтқышына айналдыра білу».
