СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Жаңа Конституция: Денсаулық сақтау құқығы - мемлекет қорғауында!
- Қаралды: 22
2026 жылғы 15 наурызда өткен республикалық референдум еліміздің басты құжатына маңызды өзгерістер енгізді. Осыған байланысты, денсаулық сақтау саласындағы конституциялық кепілдіктердің мән-жайын түсіндіреміз.
Ең бастысы: Қазақстан өзін әлеуметтік мемлекет ретінде бекіте отырып, адам өмірі мен денсаулығын ең жоғары құндылық деп таниды.
Негізгі өзгерістер мен кепілдіктер:
Тегін көмек сақталады: Конституцияның 32-бабына сәйкес, азаматтар заңмен белгіленген көлемде өздері төлемейтін медициналық көмекті алуға құқылы.
«Төлемейтін көмек» деген нені білдіреді? Бұл медицина ақылы болады деген сөз емес. Бұл - пациентке қаржылық салмақ салмай, емдеу шығындарын қаржыландыру көздерінің өзгеруін білдіреді.
Қаржыландыру көздері: Медициналық көмек бұрынғыдай мемлекеттік бюджет, МӘМС жүйесі және заңда тыйым салынбаған өзге де көздер (қайырымдылық, халықаралық қорлар) есебінен төленеді. Пациент үшін мемлекеттік кепілдік аясындағы ем-дом тегін болып қала береді.
Құқықтардың басымдығы: Азаматтардың денсаулық сақтау құқығы мүлтіксіз орындалуы тиіс және ол ешқандай мүліктік немесе әлеуметтік жағдайға байланысты шектелмейді.
Маңызды: Конституцияның тікелей қолданыс күші бар. Бұл дегеніміз - әрбір медициналық ұйым осы жоғары заң нормаларын тікелей басшылыққа алуға міндетті.
