СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Болашақ чемпиондардың денсаулығы — мемлекет қорғауында!
- Қаралды: 5
Спорттағы биік белестер тек қажырлы еңбекке ғана емес, сонымен қатар мықты денсаулық пен сенімді медициналық қолдауға негізделеді. Болашақ
олимпиадашылар үшін өз құқықтрын білу және медициналық көмектің қолжетімділігін түсіну — кәсіби дамудың маңызды бөлігі.
2026 жылдың 20 сәуірінде №3 Қалалық емхананың білікті психологы Д.Ж. Ильяшова Қ. Мұңайтпасов атындағы «Республикалық мамандандырылған
мектеп-интернат-колледжінің» студенттерімен мазмұнды кездесу өткізді. Кездесудің басты тақырыбы: «Студенттер МӘМС жүйесінде».
Кездесудің негізгі түйіндері:
Мемлекеттік қамқорлық: Студенттерге олардың күндізгі бөлімде оқуына байланысты МӘМС жүйесіндегі «жеңілдікті» санатқа жататыны және олар үшін жарналарды мемлекет төлейтіні егжей-тегжейлі түсіндірілді.
Спортшыларға арналған мүмкіндіктер: Сақтандыру мәртебесі арқылы студенттердің тар бейінді мамандар кеңесіне, жоғары технологиялық диагностикаға (МРТ/КТ) және емхананың барлық ресурстарына кедергісіз қол жеткізе алатыны айтылды.
Психологиялық сенімділік: Психолог маман медициналық кепілдікті сезіну спортшының ішкі үрейін азайтып, бар назарын жаттығулар мен жаңа рекордтарға бағыттауға көмектесетінін атап өтті.
Маман түйіні: «Біздің мақсатымыз — жас спортшылардың бойында жоғары медициналық мәдениетті қалыптастыру. МӘМС жүйесіндегі мүмкіндіктерді білу — бұл ертеңгі жеңістерге жасалған сенімді қадам».
