СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
«Саналы ана болу: Бала емізу мен психикалық денсаулық үйлесімі»
- Қаралды: 18
Дүниежүзілік емшек сүтімен қоректендіру апталығына арналған Ұлттық бағдарлама аясында психолог Ильяшова Д.Ж. мен акушер-гинеколог Берикова У.А. жүкті әйелдерге «Саналы ана болу: емшек сүтімен қоректендіру мен психикалық саулықтың үйлесімі» тақырыбында интерактивті практикум өткізді.
Іс-шара барысында болашақ аналар емшек сүтімен қоректендірудің маңызы, оның ана мен баланың эмоционалдық жағдайына әсері, сондай-ақ гормондық және психологиялық байланысы туралы ақпарат алды. Мамандар босанғаннан кейінгі кезеңде мазасыздықты азайту, шынайы күтулерді қалыптастыру және эмоционалдық тепе-теңдікті сақтау жолдарын түсіндірді.
Қатысушылар эмоционалдық шаршаудың алдын алуға арналған қарапайым өзін-өзі қолдау әдістерін меңгеріп, нәрестемен вербалды емес қарым-қатынасты нығайтудың маңызын түсінді. Практикалық кеңестер болашақ аналардың ана болу кезеңіне сенімді әрі дайын қадам жасауына көмектесті.
