СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Уыз дегеніміз не және оның маңызы қандай?
- Қаралды: 15
Уыз – нәресте дүниеге келгеннен кейінгі алғашқы күндері ананың сүт безінен бөлінетін алғашқы сүт. Көлемі аз болғанымен, оның нәресте үшін пайдасы өте зор.
Уыздың түсі сарғыш, құрылымы қою болады. Оның құрамында ақуыздар, дәрумендер, минералдар және иммундық қорғанысты қамтамасыз ететін антиденелер өте көп. Сондықтан уыз нәрестенің алғашқы қорғанысы болып саналады.
Уыздың пайдасы:
• нәрестені алғашқы күндері қажетті қоректік заттармен қамтамасыз етеді;
• иммунитетті күшейтіп, жұқпалы аурулардан қорғайды;
• ас қорыту жүйесінің дұрыс қалыптасуына көмектеседі;
• меконийдің шығуын жеңілдетіп, жаңа туған нәрестелердегі сарғаю қаупін азайтады;
• баланың болашақтағы денсаулығына берік негіз қалайды.
Уыздың аз мөлшерде бөлінуі – қалыпты жағдай. Жаңа туған нәрестенің асқазаны өте кішкентай болғандықтан, оған дәл осы көлем жеткілікті.
Уыздың әрбір тамшысы – сәбидің денсаулығы мен мықты иммунитетінің алғашқы кепілі.
