2026 жылғы 3 қарашада «ГКП на ПХВ «№3 қалалық емхана» мекемесінде, Республика даңғылы, 56 мекенжайы бойынша психолог Ильяшова Д.Ж. қызметкерлерге арналған «Медицина қызметкерлерінің этикасы мен деонтологиясы» тақырыбында тренинг өткізді.
  Тренингтің басында медициналық этика мен деонтология, олардың негізгі қағидаттары, ережелері және басқа да маңызды мәселелер бойынша білімімізді жаңарттық. Одан кейін сергіту жаттығуы арқылы ортақ ырғақ тауып, келесі кезеңде жағдаяттық кейстерді талдап, рөлдік ойындар арқылы тәжірибе жүзінде пысықтадық.
  Тренинг «Тап!» атты жаттығумен аяқталды. Оның барысында қатысушылар карточкаларда жазылған эмоцияларды қимыл-қозғалыс арқылы бейнелеп, қалғандары олардың қандай эмоция екенін табуға тырысты.
 Тренинг соңында әрбір қатысушы өз пікірін білдіріп, пайдалы ұсыныстар мен ұсынымдар қамтылған ақпараттық-білім беру материалдарын алды.