ЖАҢАЛЫҚТАР

Астана қаласындағы «Үміт» дағдарыс орталығында 1 маусым – Халықаралық балаларды қорғау күніне арналған ерекше мейірімді, қуанышқа толы шара өтті.

Шараны №3 қалалық емхана жанындағы «Жас Толқын» жастар денсаулық орталығы мен «Жүректен жүрекке» еріктілер клубы бірлесе ұйымдастырды. Басты мақсат – балаларға қуаныш сыйлау, олар жалғыз емес екенін сезіндіру және мейірімділік арқылы үміт отын жағу еді.

Шара өте жылы әрі әсерлі атмосферада өтті. Еріктілер мен мамандар балалар үшін:

құттықтау сөздер,

әндер мен билер,

қызықты ойындар,

және бәрін бір арнаға тоғыстырған ортақ би кешін ұйымдастырды.

Соңында балаларға тәтті сыйлықтар табысталып, естелікке фотоға түсті.

Бұл кеште балалар шынайы қуанып, жан жылуын сезінді. Ең маңыздысы – оларды тыңдайтын, түсінетін және қолдайтын жандардың жанында екенін ұғынды.

«Жас Толқын» орталығы мен «Жүректен жүрекке» клубының еріктілері алдағы уақытта да тәрбиелік, алдын алу және рухани қолдау бағытындағы шараларын жалғастыра береді. Себебі әр бала – мейірім мен қорғанға зәру.